كيف اباكتب بك قصيده توصفك وانتي قصيده

ابشـري بالشعـر ياشيخـة دواوينـه وتاجـه
لو طلبتي شاعرك يكتب لك من ازرق وريـده

بس انا لاجيت اباكتب ينشغـل بالـي بحاجـه
( كيف اباكتب بك قصيده توصفك وانتي قصيده)

لك دَلال الشعـر وغيابـه وتعقيـدة حجاجـه
بـك تغليـه وجموحـه وابتسامتـه العنـيـده

لك حضور النور والفجر وتفاصيـل انبلاجـه
واسمه ورسمـه وذعذاعـه وطلاّتـه وعيـده

تذهلين الخيـزران بسمـح قـدّك واعوجاجـه
تسلبيـن الريـم فـزّاتـه ولفتـاتـه وجـيـده

تشبهين الما ولا انتي الما ولو فيـك ارتجاجـه
لا تشاقى طفل يلمس صفحتـه باصابـع ايـده

لا تزمّي الورد في ثغـرك ويتعكّـر مزاجـه
من غوايـة شاعـر ماانتـي بطفلتـه الوحيـده

واغفري للشاعـر المتلعثـم ذنـوب انحراجـه
والله ان الجـرح الاوّل لكـن الطعنـه جديـده

شاعرك ماخاف جرحه ما يخـاف الاّعلاجـه
لايريد اللـي يقـول ولا يقـول اللـي يريـده

ما دخل في سوق الا بعـد مايعـرف خراجـه
والنخل ساسه تحت الاقـدام وعذوقـه بعيـده

ما علينا كلمـا اشتـد البـلا قـرب انفراجـه
طعنـة مـا تذبـح الرجـال ياعشقي تفيـده

بعض ما فيني كتبته وان بقى في القلب حاجـه
عشقي جنوني وانتي في بالـي قصيـده

» احم احم عندي قصيده عن الحب